event2[1]

CEO ក្រុម​ហ៊ុន Westline ចង់​ឲ្យ​សិស្ស​ចាត់​ទុក​ការ​សិក្សា​ដូច​ការ​ធ្វើ​វិនិយោគ

“ចាត់​ទុក​ការ​សិក្សា​ឲ្យ​ដូច​ការ​វិនិយោគទុន​ដោយ​គិត​ពី​ផល​ចំណេញ​នោះ​អ្នក​នឹង​ទទួល​បាន​ជោគ​ជ័យ” នេះ​ជា​ការ​លើក​ឡើង​របស់​នាយក​ប្រតិបត្តិ​ក្រុមហ៊ុន Westline Education Group Co.,Ltd លោក ប៉ិច ប៉ូឡែន ដើម្បី​ជំរុញ​ឲ្យ​ការ​សិក្សា​ប្រកប​ដោយ​សមត្ថភាព និង​ចំណេះ​ដឹង​ពិត​ប្រាកដ។ ថ្លែង​ក្នុង​ឱកាស​សន្និសីទ​ស្ដី​ពី​ការ​បើក​វគ្គ​សិក្សា​ភាសា​ចិន​បន្ថែម​នៅ​សាលា Westline លោក ប៉ូឡែន ​ចង់​ប្រៀប​ធៀប​ឃ្លា​សំ​ដី​នោះ​ថា កាល​ណា​អ្នក​រក​ស៊ី​​បំណាច់​បោះ​ទុន​ធ្វើ​វិនិយោគ​អ្វី​មួយ គឺ​ដើម្បី​រក​ប្រាក់​ចំណេញ ហើយ​ត្រូវ​ពង្រីក​អាជីវកម្ម​ខ្លួន​ឯង​ឲ្យ​មាន​វិសាលភាព​ ដោយ​ត្រូវ​ចេះ​ភាសា​បរទេស​ដើម្បី​ប្រឡូក​ក្នុង​ពិភព​ជំនួញ​ឲ្យ​បាន​ខ្លាំង​ក្លា។ ក៏​មិន​ខុស​គ្នា​នឹង​អ្នក​រៀន​សូត្រ​ ខំ​បង់​លុយ​រៀន​អស់​ច្រើន​ឆ្នាំ ​គឺ​ត្រូវ​រក​ផល​ចំណេញ​ពី​ការ​រៀន​នោះ​ឲ្យ​បាន។ ត្រូវ​ចេះ​ខ្លាច​ខាត ប្រើ​ទុន​នោះ​ជា​ប្រយោជន៍​ដើម្បី​រៀន​ចប់​មាន​ការងារ​ធ្វើ ហើយ​ត្រូវ​បង្កើត​ឱកាស​ឲ្យ​ច្រើន​ជាង​គេ ដើម្បី​ពេល​ធ្វើ​ការ​បាន​ប្រាក់​បៀវត្ស​ច្រើន ដោយ​ប្រឹង​ប្រែង​រៀន​ភាសា​សាកល ដូច​ជា ភាសា​អង់គ្លេស ភាសា​ចិន​ជា​ដើម។​ លោក ថា នេះ​មិន​មែន​ជា​ចំណុច​លេង​សើច​នោះ​ទេ ព្រោះ​ការ​អប់រំ​សំខាន់​បំផុត​ បើ​ចេះ​ចាត់​ទុក​វា​ដូច​ជា​ការ​វិនិយោគ​មួយ កុំ​គ្រាន់​តែ​បង់​លុយ​រៀន​ហើយ​មិន​ទទួល​ផល​អ្វី​សោះ នោះ​ជា​ខាត​បង់​ទៅ​វិញ៕
DSC_0501 (Copy)

សាលារៀនវ៉េស្ទឡាញន៍ និង សាលារៀនណត្សឡាញន៍ ​​លើក​ទឹកចិត្តដល់​ក្លឹប​សិស្សពូកែ​ និងប្រកាស​កម្មវិធី​ប្រកួត​ប្រជែង​ចំណេះ​ដឹងអាស៊ាន​សម្រាប់​យុវជន ឆ្នាំ២០១៤

នៅថ្ងៃទី០៧ ខែមិថុនា ឆ្នាំ២០១៤នេះ ក្រុមហ៊ុន វេសឡាញ អេឌ្យូខេសិន គ្រុប បានរៀបចំកម្មវិធីប្រគល់ មេដាយ បណ្ណសរសើរ និងរង្វាន់ ដល់ក្លឹបសិស្សពូកែ ដែលទទួលបានជ័យលាបភី ក្នុងការប្រកួតប្រជែង ប្រកបពាក្យខ្មែរ និងភាសាអង់គ្លេស  និងការធ្វើ បទបង្ហាញ របស់សាលារៀនវ៉េស្ទឡាញន៍ និងសាលារៀនណត្សឡាញន៍ ទាំង៧សាខា នៅសាលារៀនវ៉េស្ទឡាញន៍ សាខាដូនពេញ។ ការប្រកួតប្រជែងក្លឹបសិស្សពូកែឆ្នាំ២០១៤នេះ មានសិស្សានុសិស្ស ចុះឈ្មោះចូលរួមប្រកួតចំនួន ១១៤៩នាក់ មកពីសាលារៀន ទំាង៧សាខា ...
DSC_0139

ក្រុមហ៊ុនវេសឡាញ អេឌ្យូខេសិន គ្រុប បើកសាខាថ្មីនៅខណ្ឌដូនពេញ

ដោយ​កំនើន​សិស្ស​ឡើង​ពី​មួយ​ឆ្នាំ​ក៏​ដូច​ជា​ការ​គាំ​ទ្រ​ពី​មាតា​បិតា​សិស្សានុសិស្ស​នា​ពេល​កន្លង​មក​ និង​ឆ្នាំ​សិក្សា​២០១៣ - ២០១៤ នេះ​ក្រុមហ៊ុន​ វេសឡាញ​បើក​សាខា​ថ្មី​នៅ​ខណ្ឌដូនពេញ​ដើម្បី​ឆ្លើយ​តប​សេចក្តី​ត្រូវ​ការ​របស់​អាណាព្យាបាល​សិស្ស ។ ពិធី​សំណេះ​សំណាល​ជាមួយ​មាតា​បិតា​សិស្ស​នៅ​សាខាថ្មី ខណ្ឌ​ដូន​ពេញ​បាន​ប្រព្រឹត្ត​ទៅ​កាល​ពី​ថ្ងៃ​ទី​១៥ ខែ​កុម្ភៈ ឆ្នាំ​២០១៤ ក្រោម​វត្តមាន​លោក ប៉ិច បូឡែន ប្រធាន​នាយក​ប្រតិបត្តិ​ក្រុមហ៊ុន វេសឡាញ និង​មាន​ការ​ចូល​រួម​ពី​គណៈសាស្ត្រាចារ្យ បុគ្គលិកសិក្សា និង​មាតា​បិតា​សិស្ស​ជា​ច្រើន​រូប ។ លោក ប៉ិច បូឡែន បាន​ថ្លែង​ថា​ក្រុមហ៊ុន វេសឡាញ បាន​ចុះ​បញ្ជី​ពាណិជ្ជកម្ម​ត្រឹម​ត្រូវ​ដែល​ផ្តល់​ទៅ​លើ​វិស័យ​អប់រំ ហើយ​បាន​ចាប់​ដំណើរ​ការ​តាំង​ពី ២០០៨ ដោយ​មាន​សាខា​៣ គឺ វិទ្យាស្ថាន​អភិវឌ្ឍ​វិស័យ​អប់​រំ សាលារៀន​វ៉េស្ទឡាញន៍ និង​សាលារៀន​ណត្សឡាញន៍ ។ លោក​បាន​បញ្ជាក់​បន្ថែម​ថា ...
DSC_0982

យុវជននិងការគ្រប់គ្រងពេលវេលា

ការគ្រប់គ្រងពេលវេលាមានសារៈសំខាន់ខ្លាំងណាស់សំរាប់យើងម្នាក់ៗ បើសិនជាយើងចេះពី របៀប​ប្រើប្រាស់​ពេល​វេលា​របស់​យើង​អោយ​មាន​ប្រសិទ្ធ​ភាព នោះយើងអាចទាញបាននូវ ផល​ប្រយោជន៍​យ៉ាង​ច្រើន​ពី​ជីវិត​រស់​នៅ​​ប្រចាំ​ថ្ងៃ​របស់​យើង ទាំង​ការ​សិក្សា​ និង​ការ​បំពេញ​​ការងារ​ និង​​​​កិច្ចការ​ផ្សេងៗ​ទៀត​ ។ ប្អូន​ៗ​ជា​យុវជន​មិន​អាច​គ្រប់​គ្រង​ពេល​វេលា​បាន​ទេ ប៉ុន្តែ​​ប្អូន​​ៗ​​អាច​គ្រប់​​គ្រង​ព្រឹត្តិការណ៍​នា​នា​ក្នុង​ជីវិត​របស់​ខ្លួន​ទាក់​ទង​នឹង​ពេល​វេលា ។​ យើង​ម្នាក់​ៗ​​ចង់​​​ប្រើ​​ប្រាស់​​ពេល​វេលា​អោយ​បាន​ច្រើន​ក្នុង​មួយ​ថ្ងៃ​តែ​មាន​ត្រឹម​តែ​២៤​ម៉ោង ១៤៤០​នាទី​​ឬ​​ក៏​​៨៦៤០០​​វិនាទី​​ប៉ុណ្ណោះ។ លើស​ពី​នេះ​ទៅ​ទៀត​​ការ​ប្រើ​ប្រាស់​ពេល​វេលា​អា​ស្រ័យ​​ទៅ​លើ​​ជំនាញ​​​នានា​ដូចជា​៖ ការ​វិភាគ​ផ្ទាល់​​ខ្លួន​ ការ​ដាក់​ផែន​ការ ការ​វាយ​តម្លៃ និង​ការ​គ្រប់​គ្រង​​ខ្លួន​​ឯង ​។​​ ការ​​គ្រប់​​គ្រង​​ពេល​​វេលា​​ក៏​ដូច​ជា​ការ​គ្រប់​គ្រង​ប្រាក់​កាក់​ផង​ដែរ​ មានតម្លៃ​ផង ​​មាន​​ការ​កំណត់​​ផង ត្រូវ​​ចេះ​​ប្រើ​​វា​ដោយ​​ឈ្លាស​វៃ និង​សន្សំ​សំ​ចៃ។ ​មនុស្ស​ដែល​មាន​ការ​គ្រប់​គ្រង​​ពេល​វេលា​​បាន​​យ៉ាង​​ល្អ​​តែង​​តែ​​ទទួល​​បាន​​នូវ​ ប្រសិទ្ធ​ភាព​កាន់​តែ​ច្រើន មាន​ថាមពល​កាន់​​តែ​​ខ្លាំង​​ឡើង​​ចំពោះ​​កិច្ចការ​​នានា​ដែល​​គេ​​ត្រូវ​​បំពេញ ទទួល​អារម្មណ៍​តាន​តឹង​កាន់​តែ​តិច​ទៅ​ៗ​​មាន​​លទ្ធភាព​​ធ្វើ​​កិច្ចការ​​ជា​​ច្រើន​ដែល​​ពួក​គាត់​ចង់​ធ្វើ សម្រេច​នូវ​សមិទ្ធិផល​បាន​យ៉ាង​ច្រើន​ និង​​មាន​​ចំនុច​​ទាក់​​ទង​​វិជ្ជមាន​យ៉ាង​ច្រើន​​ជាមួយ​​អ្នកដទៃ​ថែម​ទៀត​ផង។​ ប្អូន​ៗ​ជា​យុវជន​ខ្មែរ​មាន​​សារ​​សំខាន់​​ខ្លាំង​​ណាស់​​សម្រាប់​​ការ​​ដឹក​នាំ​​ជីវិត​​រស់​នៅ​របស់​យើង​ម្នាក់​ៗ ...
phanpenhbo-31394_330x230

ទំនួលខុសត្រូវរួមក្នុងសង្គមជាប្រធានបទមួយយ៉ាងសំខាន់

  គេសង្កេតឃើញថាក្រុមហ៊ុនឯកជនមួយចំនួន​បាន​នឹង​កំពុង​ធ្វើ​ការងារ​សង្គម​កិច្ច​យ៉ាង​ច្រើន​​ដើម្បី​ចូលរួម​ចំណែកឈឺឆ្អាលជាមួយសង្គម​ ជា​ពិសេស​ជួយ​ដល់​កុមារ​កំព្រា កុមារងាយ​រងគ្រោះ​ជាដើម។ ការ​ចូល​រួម​ក្នុង​សកម្មភាព​សង្គម​នេះ​ត្រូវ​បាន​គេ​ហៅថា ជាទំនួលខុសត្រូវរួមក្នុង​សង្គម​ ដែល​ត្រូវការ​ចូល​រួម​ពី​គ្រប់​អង្គការ​មនុស្ស​ធម៌ សាលារៀនទាំងរដ្ឋនិងឯកជន ព្រមទាំងបណ្តា​ក្រុមហ៊ុន​សហគ្រាស​នា​នា​នៅទូទាំងប្រទេសកម្ពុជា ។ ជាក់ស្តែងកាលពីថ្ងៃទី​ ២៥ ខែ សីហា ឆ្នាំ ២០១៣ ​សភាយុវពាណិជ្ជករអន្តរជាតិកម្ពុជា​បាន​ដឹក​នាំ​ប្រតិភូ​របស់​ខ្លួន ​ដែល​មាន​សមាសភាព​ចូលរួមដូច​ជាលោក អ៊ីវ គឹមសួ ប្រធានសភា​ពាណិជ្ជករ​អន្តរជាតិ​កម្ពុជា​ឆ្នាំ ២០១៣ លោក គួច ផេង ប្រធាន​សភាពាណិជ្ជករអន្តរជាតិ​សាខា​ភ្នំពេញ​ឆ្នាំ ២០១៣ លោកស្រី ...